oh angin~ eh jalama panyaa..

Assalammualaikum dan salam sejahtera..jawab tu,jangan inda..

me ani saja-saja kan berkurapak. kejarangan nih.. saja kan buang tabiat kanak-kanak suka membual,macam si nanam,siapa lagi ah..hj naip apakah,si dang bla bla,bisdurang-bisdurang ganya tau tu.ada yang tekidum-kidum membaca,tegesel-gesel gusi ne.. haha,atu masa me kanak-kanak ukan membual,buleh dikatakan mengarang lah..bukan jua main arang,eh kamu ani..mun paham tah bisai..hehe me ani saja kan nyimbati.. atu,apa nya orang share-share cerita tentang aku dan dia..ehh bukan nyamu.. cerita tentang si pembual ani, tornado pun tabik ne..bungkus barang tarus balik dalam lubang,esehh..

iatah wah.. kamu tau kan pembual ani, atu macam becakap macam setaie..entah taie lagi malu kali kan disamakan.. tapi yang di cakapkannya ne,nada masuk akal..ada jua yang masuk,tapi payah kan dipercayai.. kalau dikatakan inda berakal,inda jua patut.. ganya,macam belabih wah akal atu.. yatah,banyak kan dikurapakkan selajur... awal-awal memang ada dari kawan kita ni picayalah apa yang di kurapakkan si pembual ani,segalanya... contoh tah macam.. apa baik ah, yang miani lah..

"eh yo,aku masang enjin rumput arah biskal ku,atu..kan terabang ganya inda... laju hantap"
"aku selekoh di highway 200km/h ah, baik jua ku handal"
"keretaku integra 3.7 kali ah"
"kereta ku ani ku turunkan cc nya,yang banarnya sekian sekian"
"gaji ku menggam segala karan ani 8k yoo"
" kereta ku rx8,rim 20,bodykit semua"

atu lah contoh ayat... kadang-kadang kan jua, bisai jua durang ani,penghibur lara.. bukannya apa yang menghiburkan.bukannya kita suka ia banyak bual atu.. kita tau urang nya jenis pembual,sekali gerenti kita tersenyum-senyum tu ia membual ah..GERENTI! dalam hati gerenti tu kita macam "ah,iksin mu tu"..

tapi ada jua setengah kawan kita ne,atu nyamu .. melayan habis.ukan jua melayan as if kita percaya si pembual bin si anu ani.. macam ada setengah kita ne,inda jua mau kan sakitkan hati si pembual ne.. melayan tah jua.. segala "oh.." "wow" "handal kau ani" kadang-kadang ada jua kira macam menanya balik, "dimana?" "Cana buleh?" sadisss nyamu..

kadang-kadang kita kesian jua durang ani,macam nada life wah.. antah,apa yang durang mau banarnya ah, saja kali kan dapat perhatian barangkali.... tapi ada yang paling cali jua lah.. kadang-kadang ada jua yang ditanya dimana berkeraja,segala di mana kau masa ni..

adatah durang ani,dengan dirinya migang pinggang,bdiri kaki setampik,becakap tia..aku masani di b.i.a..ada me mendapati lah sorang dua miani..keluusan tah jua yang dorang ani andang pemes berangin puting beliung....antah lurus kah inda tu..haha.. ada tia kawan me sorang yang inda dapat me sebarkan namanya,beritahu nya kami,ia keraja di RTB,sekali dah kawan me sorang ia memberitahu ia keraja di jabatan kewangan... tau-tau keraja tempat lain..hahaha..

yang paling bisai apanah,if ada si awg pembual bin puting beliung ani, ari panas pun jadi sajuk..apa inda,ba angin nya urang,kadang-kadang tsunami pun buleh jadi ne...aircond natural ne bisdurang... hehee,me pikir segala pembual ani si bui ganya,panya si girl pun ada...haha,manisss tah banar...awu adang tah me,kadang-kadang sakit jua ati kan mendangar segalanya,rasakan mendaup jua tarus.. tapi biarkan lah,hidupnya...jangan ja karang sakit..disebabkan mulut badan binasa...cheewahh keluar perambahan me tarus..ahaha bah,sudah tah me tu.... ciaooo