ais,ehh air panya..

salam, guys.. me kan berkurapak,walau me sendiri pun inda merati apa yang me buat ani..
perubahan,apa yang kita tau ni pasal perkataan ani? well.. apa saja yang ada di muka bumi ani ada perubahan...inda ja?jaaaa.. semua benda ada perubahan ani..siapa setuju? me tau u angkat tangan,yang inda puas hati atu dipersilakan tah buat tia kumen arah tagbox atu..so yang kan me maksudkan sini,perubahan suatu individu yakni jalama..kita la tu..jangan saja kamu akun diri kamu ambuk..inda cia manusia..kalau urang utan,buleh lah terima sikit..pasal ia urang kan..tapi me harap u inda tah ngakun u urang utan... biol~

so kitani human being ani, mesti ada perubahan dari mana-mana jua..maksud me atu dari ulah,perasaan,pendirian,and cara penampilan..kan? kannn...~ kira macam cua kamu macam perhatikan lah,kira macam eksperimen kamu..kalau kamu luan rajin jua..kamu cari sorang jalama atu,yang kira macam kamu buleh jumpa and liat biskamu kan setiap hari, contoh saja kawan sedarjah,kawan tampat kaja..yang mana-mana pun buleh lah.. atau pasangan yang kapel mapel atu lah..so perhatikan setiap langkah(bukan cara ia bejalan) kiranya kamu kan tau ulah nya lah,manusia ne lain kali ah,belakang lain,dapan lain...awulah mun dua-dua sama payah jua,mana cia kan buang air,mana kan buang taie...nada bah..paham-paham saja lah..

contuhnya lah, kira kamu laki-laki macam baru kenal sama bini-bini ani..kira kenal-kenalanlah... awal-awal gerenti kadang macam pemalu cia ulahnya..macam kan bekurapak pun facing ke dinding,kan tecium dinding ganya inda..so sudah kamu makin biasa,biasa..ada cia setangahnya.. udah becakap atu kan tecium bah bau napas ah,makin hampir la tu.. so disini.. ada dua perubahan kan... kira ulah and perasan atu ada.. tapi inda tau lah perasan macam mana.. tapi ulah andang ada tu nyamu..kirakan inda lagi pemalu laa kununnya..bukan maksud me atu inda lagi ada kemaluan eh,errrr atu banarr...pacah~

so setiap individu ani memang berubah dari hari kehari..siapa inda ah? bek tah sadang-sadang membual ah..bual lagi~ manusia berubah..atu satu fakta! me ni kan masuk bab jiwa-jiwa sikit... macam kadang-kadang tau lah jalama berkinta ani..awal-awal atu macam kan tiap saat i love you lah,i sayang you lah, aku cinta kau lah, u bunga me serangga cia,betangkai cia..pen merah pen biru la.. apa-apa ja la.. ani for someone yang kadang-kadang beulah or immature in love and inda serius...eseehh ..ada jua yang macam andang sudah sifat buaya bekaki dua..maksud "buaya darat" la..."crocodile land nya urang kan bekurapak urang putih tapi inda berapa pandai.." bagi me masa ni buaya darat ani ukan ganya laki-laki, bini-bini pun sama tah jua.. setuju? macam biasa lau inda setuju..isi cia tagbox sabalah kiri ah...

lau macam urang yang hangat-hangat taie jalama bacinta,kelurusan tah lagi yang dangannya ne anu,capat buring nya urang.. macam udah lapas 2,3,4 bulan ke betaun udah.. nampak cia ulah setan atu...setan pun antah,heran kali..ngapa kan sama tapi lain muka,inda lagi miah tu..dikatakan sama bapa lain mama inda jua...tapi andang sudah kejadian manusia ani..kan mencuba,merasa yang baharu..
apa jua payah mutuskan kan?sediakan saja gunting,gunting cia,nada wahh...lau yang sanang,inda berapa nyakitkan hati.. cakap saja,mama nyuruh kita putus..,aku kana juduhkan sama si anu so sampai sini tah saja .. ada lagi, aku inda mau kau sakit lain hari pasal..bla bla,pui.. lau mau yang padas-padas lagi,bagi lada,nada wah.. yang miani==>aku inda lagi baguna kan kau,aku ada yang baru lagi lawa dari muamu,aku main-main saja sama kau ganya,kau ne banarnya tampat ku buang boring, lau mau yang paling hebat.. "aku homo..siapa deh beguna kan kau?"sipun me ne,langkah sibu me tarus eh... atulah yang pernah me dangar except yang last atu laa,tapi kadang-kadang reason atu talur jua..cubatah straight forward saja tarus,walautah sakit..abis-abis kana penampar sekali dua ganya..tapi,inda jua urang kan macam,"kenapakan si anu mutuskan aku...?" reason atu baiktah yang banar-banar jujur dari hati..jangan bagi bakas pasangan atu tanda soal basar[?] arah kepalanya...tapi bukan pulang me galakkan you all putus ..ani CONTOH!! fikir dulu baik,buruknya dulu balik-balik.jangan sekali dua..banyak-banyak,sampai bedarah jua utak ah..kang nyasal,awu nyamu bubur indakan jadi nasi balik....ada jua yang menonggeng kan jubui ehh...FRUST BAH,ukan bejual...

ada lagi..macam awal-awal atu ulah kalah si manis 17,madu lagi tawar..manis hantap..udah batah-batah bedua-dua,ukan bedua dalam bilik,astaga..kapel bah eh.. nampak cia ulah ngindik kepala atu,dibagi batis maukan paha,di bagi paha mau kan kepala..yatah nada neeehh...buat ani,inda dapat..buat atu,kana timbak pakai senapang gajah..lau bejalan setapak kana terajang terabang(plaing kick)..ahh bisaa! ani yatah bahaya jua ni..silap aie bulan,si dangan buleh lari cari lain,apa payah?? snap jari sekali,ada 10 lagi bebaris,tapi inda tah me sure yang muda atau tua tu ah...so perubahan ulah yang tuju-nya ke negatip atu bek-bektah di ubah...menangis inda belagu inda cali..cala ada tu... pasangan kamu atu mengharapkan perubahan positip nyanta...inda jua durang mau taie dari kamu tu..lainlah durang andang suka taie! atu tah saja,karang buring kamu membaca kelamuan cia,cian me karang,nada cia u kan ngaga balik blog me x)